GDPR Cookie Consent by Free Privacy Policy Generator Samtök smáframleiðenda matvæla

Stuðlum að öflugra samstarfi
og auknum samtaka­mætti

smáframleiðenda matvæla um land allt

Vinnum að hagsmunamálum
smáframleiðenda matvæla á öllum sviðum
erum málsvari þeirra og stuðlum að framförum
í málefnum sem þá varða


Almennar fréttir | 05. 04. 2020

Heimasíða samtakanna í loftið


Á undanförnum vikum hefur verið unnið að gerð heimasíðu samtakanna.
Þeirri vinnu var að ljúka og var hún því formlega sett í loftið kl. 10:00, sunnudaginn 5. apríl. Samtökin gerðu samning við Extis sem vefsíðuhönnuðinn Júlíus Guðni, nemi í FNV, rekur um gerð síðunnar og hýsingu og þakka honum einstaklega gott starf.
Ábendingum varðandi heimasíðuna skal komið til framkvæmdastjóra með því að senda póst á ssfm@ssfm.is.
www.ssfm.is

Almennar fréttir | 04. 04. 2020

Fyrsti aðalfundur samtakanna boðaður


Stjórn Samtaka smáframleiðenda matvæla boðar til aðalfundar þriðjudaginn 21. apríl nk., kl. 17-18.
Fundurinn verður haldinn í gegnum fjarfundabúnaðinn Zoom sem hægt er að hlaða niður ókeypis af zoom.us.
Tengill á fundarboðið verður sendur á félagsmenn að morgni 21. apríl.
Samkvæmt stofnsamþykktum fer hver skuldlaus aðili (fulltrúi/fulltrúar reksturs) með eitt atkvæði sem þýðir að aðildargjöld þurfa að hafa verið greidd fyrir aðalfundinn.
Þar kemur jafnframt fram að tillögur sem óskað er eftir að teknar verði fyrir á fundinum, þurfi að hafa borist stjórn samtakanna a.m.k. 5 dögum fyrir boðaðan aðalfund.
Sjá nánar um aðalfund í stofnsamþykktum sem fylgja aðalfundarboðinu sem var sent á félagsmenn með tölvupósti.
Núverandi stjórn og aðalstjórn munu gefa kost á sér áfram.
Samkvæmt samþykktum er stjórnarkjör á aðalfundi og er félagsmönnum því heimilt að bjóða sig fram til stjórnarsetu fyrir og á fundinum sjálfum.

DAGSKRÁ
1. Setning fundar
2. Kjör fundarstjóra og fundarritara
3. Skýrsla um störf samtakanna á árinu
4. Samþykkt reikninga
5. Tillögur um breytingar á samþykktum
6. Kjör stjórnar og varamanna. Kjörnir verða fimm aðalmenn og tveir varamenn.
7. Ákvörðun um félagsgjöld
8. Ákvörðun um laun og starfskjör stjórnarmanna
9. Önnur mál

Nánari upplýsingar er hægt að nálgast hjá framkvæmdastjóra í síma 869-7411 eða í tölvupósti á netfangið ssfm@ssfm.is.

Með kærri kveðju fyrir hönd stjórnar,

Karen Jónsdóttir
Formaður

Almennar fréttir | 31. 03. 2020

Aðildargjöld fyrir árið 2020


Stofnaðar voru kröfur í netbanka þeirra einstaklinga, lögaðila og félagasamtaka sem hafa sótt um aðild að samtökunum.
Fyrir mistök lagðist 255 kr. seðilgjald ofan á kröfunar og er beðist velvirðingar á því. Ef móttakandi setur kröfuna í beingreiðslu leggjast 65 kr. ofan á kröfuna í stað 255 kr. Þetta þýðir að samtökin taka ekki á sig þennan kostnað og er því viðbótarstuðningur við þau.
Þeir sem hafa athugasemdir við þetta geta haft samband við framkvæmdastjóra með því að senda á hana tölvupóst á ssfm@ssfm.is.

Almennar fréttir | 31. 03. 2020

Samningur við Matís ohf.


Þann 31. mars var skrifað undir samning við Matís ohf. um efna- og örverumælingar og túlkun og ráðgjöf þeim tengdum.
Samningurinn felur í sér að félagsmenn samtakanna njóti tiltekinna afsláttarkjara.
Samningurinn hefur verið sendur í tölvupósti til félagsmanna með fulla aðild.